Ilahn 14 - Uwumbɔr aagbaŋ

Unibɔn aabiin aah bi pu na

¹ Bijɔrb bui bibaa le ke, “Uwumbɔr aa bi.” Bi mɔmɔk ye beebeedam la, le ki tun ŋitun ŋi kaa ŋan na, ubaa aa bi ki ŋani ni ŋan na.

² Uwumbɔr bi paacham le ki lik ni unibɔn, ke u lik ke bibaa bi ki kpa nlan aan baa bi, ke bibaa bi ki dooni u aan baa bi.

³ Tɔ, le bi mɔmɔk yenn nsan; bi mɔmɔk aa ŋan. Bi ponn ni ubaa aa bi ki ŋani tiwan ni ŋan na, ubaa baanja aa bi.

⁴ Le Uwumbɔr baa ke, “Baa nyi la aa? Titunwanbirdam ngbaan mɔmɔk ye binib bi kaa nyi na la aa? Bi su maanib kinaayuk le ki joo kpiini bibaa, kaa mee mi.”

⁵ Tɔ, ijawaan sakpiin ga chuu bi, ba pu? Uwumbɔr bi binib bi kii waamɔb na chee.

⁶ Titunwanbirdam bii unii u sunn ubaa taab na aatuln la, le Uwumbɔr mu tee ye waakikiir.

⁷ Maameel le ye ke linyaŋ nya ni Sionn pu ki dan Israel yaab chee. Uwumbɔr yaa ki cha Israel yaab ki ŋa biwankpadam kan, ba aapopiin aan bi ga li kpa na.