Ilahn 138 - Uwumbɔr aagbaŋ

Idoon aameel

¹ Uwumbɔr, m joo nsui mɔmɔk dooni si la; m gaa kipak aalahn tii si, bijojoob chee la.

² Saageehm mu bi n‑yoonn mɔmɔk na, ni saah ŋani saah len pu na, le m fenn lik saadichal wɔb, ki gbaan kitiŋ ki pak saayimbil, ba pu? aa mɔk ke saayimbil ni saakaal le jer tiwan mɔmɔk.

³ M nan yin si, le aa kii maayim; aa di saapɔɔn le tii mi mpɔɔn.

⁴ Uwumbɔr, dulnyaa wee ni aabɔrb mɔmɔk aah ŋun saah len pu na, le bi ga pak si.

⁵ Bi ga di saah tun pu na, ni saapak sakpeŋ gaa ilahn.

⁶ Aa bi paacham paacham la, le aatafal tee bi binib bi sunn bibaa taab na ni, le binib bi kpa kigaak na aan ŋmaa bɔr si.

⁷ Buyoonn tibɔr ti mann goln mi ni kookoo na, le aa gaal mi lir. Aa kiir maadim bi aaŋuul fii na ki joo saapɔɔn gaal mi lir.

⁸ Aa ga ŋa saah puu tipuur ti na mɔmɔk. Uwumbɔr, saageehm aa kpa ndoon. Doo lituln li aa piin li na.