Ilahn 137 - Uwumbɔr aagbaŋ

Israel yaab aanaagbiir ponn ni aawiil

¹ Babiloŋ aamɔɔ chee le ti nan kal; nima chee le ti nan teer Sionn aabɔr le ki wii.

² Ti nan di timi aabar leen isui i si nima na pu.

³ Binib bi nan chur timi na nan bui timi ke ti gaa ilahn; bi bui timi ke ti gaa mpopiin aalahn tii bi, ki len ke, “Gaa nlahn mu ye Sionn aalahn na tii timi.”

⁴ Ti ga ŋa kinye ki gaa nlahn tii Uwumbɔr kitiyayaŋ ponn ni?

⁵ M yaa suln Jerusalem pu kan, m taa ki ŋmaa gbaa kibeek daalbaadaal.

⁶ M yaa kaa teer aabɔr, ki dak aa pu ke sin le ye maamɔɔn sakpiin kan, m taa ki ŋmaa gaa ilahn kpala.

⁷ Uwumbɔr, teer Edom yaab aah nan ŋa pu nwiin mundaal bidim nan nyaŋ Jerusalem na. Teer baah nan len kpakpaayuk pu na ke, “Ber ki bil kitiŋ man.”

⁸ Babiloŋ aatiŋ, aa ga kuln. Unii u teen si saah nan tun timi pu na kpa mpopiin,

⁹ Unii u yoor saabipɔm ki di lɔe ŋitakpal aan bi kpoi na kpa mpopiin.