Ilahn 130 - Uwumbɔr aagbaŋ

Limeel li ban nterm na

¹ Uwumbɔr, maasuubiin ponn ni le m yin si.

² Ndindaan, pel maawiil; pel maah yin ki ban nterm pu na.

³ Aa yaa ba ŋmee timi aatunwanbir mɔmɔk bilni kan, ubaa aa ba ga ŋmar kaa kpo.

⁴ Le aa di cha pinn timi, ke ti li san si ijawaan.

⁵ M kpa kikpeek le ki kii Uwumbɔr aaterm, waamɔboln pu le m kpa limakl.

⁶ M kpa kikpeek ki kii Uwumbɔr ki jer kinyeek aakikiir aah kii kitaak aah ga woln buyoonn pu na.

⁷ Uwumbɔr aageehm aah kaa kpelni na aan u gee ke u gaa nimi lii n‑yoonn mɔmɔk na, nimi Israel yaab, tii u naadii man.

⁸ Uma le ga nyan waanib Israel yaab baatunwanbir mɔmɔk ni.