Ilahn 13 - Uwumbɔr aagbaŋ

Limeel li ban nterm na

¹ Uwumbɔr, aa ga suln m bɔr ki ti saa bayoonn? N‑yoonn mɔmɔk aa? Aa ga di aabaa bɔr mi ki ti saa bayoonn?

² M ga li bi limukl ni ki ti saa bayoonn? M ga li joo mpombiin nwiin pu ni kinyeek ki ti saa bayoonn? Maadim ga li nyaŋni mi ki ti saa bayoonn?

³ Ndindaan Uwumbɔr, lik mi, ki gar mi. Giin maapɔɔn tii mi, taa cha m kpo.

⁴ Taa cha maadim bui ke, “Ti nyaŋ u a.” Taa cha maalirm piir bisui.

⁵ M mak saageehm mu bi n‑yoonn mɔmɔk na pu; nsui ga piir, ba pu? aa ga gaa mi lii.

⁶ Uwumbɔr, m ga gaa ilahn tii si, ba pu? aa kpa tiŋann m pu la.