Ilahn 129 - Uwumbɔr aagbaŋ

Israel yaab aadim pu aameel

¹ Israel aatimbol, bui timi saah nan laa diin aan saadim muk si pu na aabɔr:

² “Maah nan laa ye ubo pu na le maadim nan joo mbiin muk mi, le kaa ŋmaa nyaŋ mi.

³ Bi nan chɔi mpuwɔb le ni naahn ke baah mann ipɔn le bukpaab ni na.

⁴ Le Uwumbɔr u ŋan na nan nyan mi tinaagbiir ni.”

⁵ Cha bi nyaŋ ki jenn giin unii umɔk kaa gee Sionn aatiŋ na.

⁶ Cha bi li bi ke timoor ti punn kidiik paab, ki kuur kaa kee muun na;

⁷ Ubaa aa chee ti, ki kuun ti, ki buu ti.

⁸ Ubaa aan jer bi chee ki bui ke, “Uwumbɔr ŋa waanyoor ŋa ni pu;” kaan bui ke, “Ti mee tinyoor Uwumbɔr aayimbil pu ŋa ni pu.”