Ilahn 128 - Uwumbɔr aagbaŋ

Ŋuntii aapar

¹ Binib bi san Uwumbɔr ki joo waakaal na kpa mpopiin.

² Saatuln le ga tii si saah ban pu na; aa ga kan liwangol ki li kpa mpopiin.

³ Aapuu ga li bi ke ŋisubil aasub bu lu na le saachiln ni, le saabim ga li bi ke olif aasui i laa diin na saasambil taab.

⁴ Uja u kii tii Uwumbɔr na ga sil kan kina aanyoor.

⁵ Uwumbɔr u bi Sionn ni na, ŋa waanyoor ŋa aa pu. Uwumbɔr cha Jerusalem aatiŋ kan liwangol saamɔfal aayoonn.

⁶ Uwumbɔr cha aa li bi ki nan kan aayaabitiib. Nsuudoon li bi Israel yaab pu.