Ilahn 127 - Uwumbɔr aagbaŋ

Uwumbɔr aaŋann aapak

¹ Uwumbɔr yaa kaa maa lidichal kan, udimaar aatuln ye fam la; Uwumbɔr yaa kaa kiir kitiŋ kan, ukikiir u si kii na aatuln ye fam la.

² Aa yaa fii kichakpiik ni mala ki nan gir ni kijoobɔŋ ke aa tun ki kan kan, ni ye fam la. Uwumbɔr aah gee binib bi na dɔ geen le u tii bi baah ban pu na.

³ Mbim ye Uwumbɔr aapiin le ki tii timi; bi ye tinyoor bamɔnn la.

⁴ Uja yaa pɔɔn ki kpa mbijabim kan, bi bi ke ipiin i bi uja aaŋaal ni na la.

⁵ Uja u kpa kina aapiin sakpen na kpa mpopiin. U yaa ti yiŋ waadim libɔjil chee kan, waan lir kpala.