Ilahn 126 - Uwumbɔr aagbaŋ

Ŋŋmarm aameel

¹ Uwumbɔr aah nan di timi giin Jerusalem aatiŋ ni na, ni nan naahn tidaŋ la.

² Ti nan laa, le ki gaa mpopiin aalahn. Le ŋitimbol ŋiken nan bui ke, “Uwumbɔr tun ŋitukpaan tii bi.”

³ Mbamɔn, u sil tun ŋitukpaan tii timi; ti kpa mpopiin sakpen a.

⁴ Uwumbɔr, giin timi buen timi aatiŋ pu, ke utaal aah joo ni nnyun nan tii imɔɔsan i kuur na pu na.

⁵ Cha binib bi nan bi bu baajikaabim ki wii na nan chee ti, ni mpopiin.

⁶ Binib bi tu lijikaabuul cha ki wii na ga di mpopiin aalahn le gir ni, ba pu? bi ga chee njikaabim pam.