Ilahn 125 - Uwumbɔr aagbaŋ

Uwumbɔr aanib aah kpa ŋŋmarm pu na

¹ Binib bi kii tii Uwumbɔr na naahn Sionn Aajool li kaa damni, kaa foor kpala na la.

² Ŋijoo aah mann goln Jerusalem aatiŋ pu na, kina le Uwumbɔr mu mann goln waanib n‑yoonn mue, ni n‑yoonn mu kaa kpa ndoon na.

³ Bibiindam aan ŋmaa li joo bininyaam n‑yoonn mɔmɔk; bi yaa joo bi kina kan, nibaakan, bininyaam ngbaan mu ga nan tun titunwanbir.

⁴ Uwumbɔr, li kpa bininyaam bi joo saakaal na pu tiŋann.

⁵ Tɔ, aa yaa nan daa bibiindam aatafal kan, aa daa binib bi yii saasan na mu aatafal. Nsuudoon li bi Israel yaab pu.