Ilahn 124 - Uwumbɔr aagbaŋ

Uwumbɔr le ye waanib aakikiir

¹ Israel yaab, gar mi man, Uwumbɔr yaa kaa ba si tipuwɔb kan, ti ba bi la?

² “Uwumbɔr yaa kaa ba si tipuwɔb buyoonn timi aadim tak timi na kan,

³ bi ba ga nan di baaŋuusakpeln li bi kpa ti pu na nab timi;

⁴ bi ba ga nan di timi buen ke nwam na, ki biin ti pu ke tinyunkpenn na,

⁵ tinyunkpenn sakpenn ngbaan ba ga cha ti bee nnyun ni.”

⁶ Cha ti doon Uwumbɔr u kaa cha timi aadim kuln timi na.

⁷ Ti ŋmar ke unyoon aah ŋmar nya ukpan aataŋ ni pu na la; baataŋ koo, le ti ŋmar.

⁸ Timi aaterm nyani Uwumbɔr u naan paacham ni kitiŋ na chee la.