Ilahn 122 - Uwumbɔr aagbaŋ

Jerusalem aatiŋ aapak

¹ M nan kpa mpopiin buyoonn bi nan bui mi ke, “Cha ti buen Uwumbɔr Aadichal ni” na.

² Le dandana ti si Jerusalem aabisamɔi ni.

³ Jerusalem ye kitiŋ ki bi ki gir maa ki na la; ki ye kitiŋ ki ŋan ki kpa mpɔɔn na.

⁴ Uwumbɔr aanib choo nima la, ke bi nan doon u, waakaal aah mɔk pu na.

⁵ Nima chee le Israel yaab aabɔrb nan kal ki jin baanib tibɔr.

⁶ Mee Uwumbɔr ke u cha nsuudoon li bi Jerusalem ni man; “Cha binib bi gee Jerusalem na kan liwangol.

⁷ Cha nsuudoon li bi Jerusalem ni, ki cha lifuur li bi kaabɔrdichal ni.”

⁸ Ndo yaab ni njɔtiib pu le m bui Jerusalem aatiŋ ke, “Nsuudoon li bi aa pu.”

⁹ Tidindaan Uwumbɔr Aadichal pu le m mee limeel ke Jerusalem kan liwangol.