Ilahn 121 - Uwumbɔr aagbaŋ

Uwumbɔr le ye timi aakikiir

¹ M lik ŋijoo paab; la chee aan maaterm ga nya ni?

² Maaterm ga nya ni Uwumbɔr, u naan paacham ni taab na chee la.

³ Waan cha aa lir; saakikiir ka waa n‑yoonn mɔmɔk la.

⁴ Israel yaab aakikiir aa geeni kpala.

⁵ Uwumbɔr ga li kii si, u si gbɔk si ke u li kii si la.

⁶ Nwiin pu kan, nwiin aan see si, le uŋmal mu aan ŋa si nibaa kinyeek.

⁷ Uwumbɔr ga li kii si linimaln mɔmɔk ni, u ga li joo si, nibaa taa pii si.

⁸ U ga li kii si, saah choo pu na, ni saah ga li cha pu na, dandana ni n‑yoonn mu kaa kpa ndoon na.