Ilahn 120 - Uwumbɔr aagbaŋ

Limeel li ban nterm na

¹ Maah nan bi tibɔr ni na, m nan yin Uwumbɔr, le u nan kii maayim ngbaan.

² Uwumbɔr, nyan mi binyamɔndam ni biŋmaŋmannim chee.

³ Nimi binyamɔndam, Uwumbɔr ga ŋa nimi kinye? U ga daa nitafal kinye?

⁴ U ga di uja aapiin i ka na, ni limiisakɔl li kpa mmii na le daa nitafal.

⁵ Ni chee aakookoon aa ŋan ke unii u koo Mesek ni, kaa ŋan ke unii u koo Kedar aanib chee na la.

⁶ M koo binib bi kaa gee nsuudoon na chee ni yunn sakpen a.

⁷ Buyoonn m ti len nsuudoon aabɔr na kan, bima ban butɔb la.