Ilahn 12 - Uwumbɔr aagbaŋ

Limeel li ban nterm na

¹ Uwumbɔr, ter timi; ujanyaan ubaa kina aa gur; binib bi si chob na aa ki bi.

² Bi mɔmɔk geei tɔb inyamɔn la; bi joo kimɔmɔɔn le ŋmanni tɔb.

³ Uwumbɔr, cha ŋilambil ŋi kpa kimɔmɔɔn ngbaan na ŋmin chii. Ŋeeb imɔi i kpa kipupuk ki len ke,

⁴ “Ti joo timi aamɔmɔɔn le kani taah ban pu na. Ti ga len taah gee pu na, le ubaa aan ŋmaa ŋmin timi.”

⁵ Le Uwumbɔr bui ke, “Tɔ, m ga dan dandana wee, ba pu? binib bi kaa kpa na bi limukl ni la, le baah muk bi pu na, bi ker iween aadun. M ga tii bi lifuur li bi wii ban n‑yoonn mɔmɔk na.”

⁶ Aa ga ŋmaa tii Uwumbɔr aah len pu na naadii; waah len pu na ye ibamɔn ke tikunabr ti bi pun ti mmii ni nfum mulole ke bi nyan taajɔŋ na la.

^7-8 Bibiindam bi ni kookoo la, le unii mɔmɔk pak tiwan ni ye kinimbɔŋ na. Uwumbɔr, gaa timi, ki nyan timi kina aanib chee.