Ilahn 11 - Uwumbɔr aagbaŋ

Li kpa limakl Uwumbɔr pu

¹ M tii Uwumbɔr aah kii mi pu na naadii. Ni ye kijɔrk le ke aa bui mi ke, “Fii ke unyoon na ki ti bɔr ŋijoo paab,

² ba pu? bibiindam yoor baatɔi ki taln baapiin mɔk ke bi too bininyaam mbɔmbɔɔn ni.

³ Tiwan mɔmɔk yaa bii kan, uninyaan ma ga ki ŋa kinye?”

⁴ Uwumbɔr bi Waadichal li bi chain na ponn ni; waabɔrjal bi paacham la. U lik binib, ni kookoo, le ki nyi baah ŋani pu na.

⁵ U tɔŋni ki lik binib bi ŋan na, ni bi kaa ŋan na mɔmɔk la, kaa gee binib bi kaa dii waakaal na.

⁶ U cha mmiisakɔn ni chirbil u gaal mmii na lir ni bibiindam pu; u joo libuln li ton na le dar bitafal.

⁷ Uwumbɔr ŋani ni ŋan na, le ki gee lituln li ŋan na; le binib bi kpa mbimbinyaan na ga li bi unimbiin ni.