Ilahn 1 - Uwumbɔr aagbaŋ

NJAN AAGBAŊ ( Ilahn 1–41 ) Mpopiin bamɔnn

¹ Binib bi yii titunwanbirdam aasurm, kaa dii kinimbɔŋdam aabimbin, kaa kpaani binib bi kaa nyi Uwumbɔr na chee na kpa mpopiin.

² Baah gee pu na le ye ke bi keei Uwumbɔr Aakaal aah len pu na, le ki bae mu nwiin pu ni kinyeek.

³ Bi naahn isui i si gbɔk nkpen na la; i lu ŋisubionn mu ŋeer na la, le yaafar aa kuur. Bi kani tinyoor baatuln mɔmɔk ni.

⁴ Le titunwanbirdam ma aa bi kina kpala; bi naahn tigbengbir ti libuln daar joo cha na la.

⁵ Uwumbɔr ga bui ke kinimbɔŋdam aabɔr bii ki taa cha bi kpaan uma Uwumbɔr aanib chee.

⁶ Uwumbɔr le kiir ki joo bininyaam, le titunwanbirdam ma cha baadoon ni.