Esra 10 - Uwumbɔr aagbaŋ

Israel yaab aah kpiir baatunwanbir pu na

¹ Esra aah nan gbaa kitiŋ ki mee limeel, Uwumbɔr Aadichal aabisamɔb chee, ki wii ki kpiir titunwanbir timina na, le Israel yaab aanipaak, bijab, ni bipiib, ni mbim dan nan mann goln u, ki wii pam.

² Le Elam aataŋaal ni aanii u bi yin u ke Jehiel na aajapɔɔn Sekania, bui Esra ke, “Ti nyan Uwumbɔr aapuwɔb, ki yoor biwɔwɔm aapiib, tɔ, nimina mɔmɔk mu na, Israel yaab beenin kpa limakl.

³ Taah ban pu dandana wee na le ye ke ti ga puu tipuukpaan tii timi Aawumbɔr, ke ti ga di bipiib ngbaan ni baabim lii. Ti ga ŋa aa ni binib bi nyuŋni Uwumbɔr aakaal na aah sur timi ke ti ŋa pu na. Ti ga ŋa Uwumbɔr aakaal aah len pu na.

⁴ Ni ye sin aatuln le ke aa fii sil. Ti si aachaŋ ni, kina pu na, fii sil ki cha kina ŋa.”

⁵ Le Esra nan piin ki cha bitotoorb aayidam, ni Liifai yaab aayidam, ni binib bi gur na puu tipuur ke bi ga ŋa Sekania aah len pu na.

⁶ Nee aapuwɔb le u siir Uwumbɔr Aadichal aabisamɔb chee, ki koo Eliasib aajapɔɔn Jehohanann aadiik ni, ki ti dɔ nima ki wii, binib bi nyan tinaagbiir ni ki gir ni na aah tun titunwanbir ti na pu. Waa nan jin, kaa nyun mu.

⁷ Le binib ngbaan aayidam nan cha ntuun buen Jerusalem ni Juda aatim mɔmɔk ni, ke binib bi mɔmɔk nyan tinaagbiir ni ki gir ni na kuun ni, Jerusalem ni.

⁸ Bi nan bui ke joo cha ni iwiin itaa daal na, unii umɔk yii kaa dan na, bi ga gaa waawangol mɔmɔk, le waan ki li kpa nsan ke u ye binib ngbaan ponn ni ubaa.

⁹ Joo cha ni iwiin itaa daal ngbaan, ŋmawae aawiin moninko daal na, bijab bi mɔmɔk koo Juda ni Benjaminn aapepel ni na nan kuun ni Jerusalem ni, Uwumbɔr Aadichal aapaan ni. Utaal nan bi nu sakpen, ki kpee nkuun ngbaan aanyunyuun pu na, unii mɔk nan si jii la.

¹⁰ Utotoor Esra le nan fii sil ki len bi chee tibɔr. U nan bui bi ke, “Naah yoor biwɔwɔmpiib pu na, le ni nyan Uwumbɔr aapuwɔb, ki joo ni tibɔbir Israel aanib mɔmɔk pu.

¹¹ Dandana wee na, kpiir nimi aatunwanbir tuk Uwumbɔr u ye niyaajatiib mu Aawumbɔr na, ki ŋa tiwan ni ga piir usui na. Taa ki kpaan biwɔwɔm bi bi timi aatiŋ pu na chee man, ki di naah joo nwɔwɔmbim mu na lii.”

¹² Le binib ngbaan teen mpɔɔn pu ke, “Ti ga ŋa saah len pu na la,”

¹³ le ki tee ki len ke, “Kinipaak ngbaan wiir sakpen a, le utaal mu ki nu sakpen. Taan ŋmaa li si lipaal do kina. Timi bi bi titunwanbir timina ponn ni na wiir sakpen, tibɔr ngbaan mu aa ye liwinbaal aabɔr.

¹⁴ Cha timi aaninkpiib gaar Jerusalem ni do, ki lik tibɔr ngbaan ponn ni, le ki nin cha unii umɔk joo uwɔwɔnbo na, ni waayidam, ni waatiŋ ni aabɔjirb dan nwiin mundaal aa ga siin udaan na. Kina le ga cha Uwumbɔr nyan waaŋuul ti pu, tibɔr tee pu.”

¹⁵ Binib bimina baanja le aa nan kii kina: bima le ye Asahel aajapɔɔn Jonatann, ni Tikfa aajapɔɔn Jaseya, le Mesulam, ni Liifai aanii Sabetai mu sil bipuwɔb.

¹⁶ Binib bi nan nyan tinaagbiir ni ki gir ni na biken mɔmɔk nan kii utotoor Esra aah ban pu na, le u nan nyan biyidam, itaŋaal ngbaan ni, le ki ŋmee baayimbil ŋa kigbaŋ ni. Ŋmapiik aajan aawiin daal, le bi nan piin baatuln ki bi fiir lik,

¹⁷ le ki joo cha ni iŋmal itaa ni na, bi fiir binib bi mɔmɔk joo nwɔwɔmbim na aabɔr doo.

Bijab bi nan joo nwɔwɔmbim na

¹⁸ Bijab bi nan joo nwɔwɔmbim na aayimbil sɔ: Josua ni ukpetiib ni unaatiib bi aate ye Jehosadak na aataŋaal ni: Maaseya, ni Elieser, ni Jarib, ni Gedalia.

Bitotoorb, itaŋaal, itaŋaal:

¹⁹ Bi nan puu ke bi ga di bipuutiib lii, le ki di upihja toor baatunwanbir aachapinn aatork.

²⁰ Imer aataŋaal ni: Hanani, ni Sebadia.

²¹ Harim aataŋaal ni: Maaseya, ni Elaija, ni Semaya, ni Jehiel, ni Usia.

²² Pasur aataŋaal ni: Eliwenai, ni Maaseya, ni Ismael, ni Netanel, ni Josabad, ni Elasa.

Liifai yaab:

²³ Josabad, ni Simei, ni Kelaya, bi ki yin u ke Kelita, ni Petahia, ni Juda, ni Elieser.

Biwangbaab ni bilahngaab:

²⁴ Eliasib. Salum, ni Telem, ni Uri.

Uwumbɔr Aadichal aakikiib: Binib bi gur na:

²⁵ Paros aataŋaal: Ramia, ni Isia, ni Malkija, ni Mijaminn, ni Eleasar, ni Malkija, ni Benaya.

²⁶ Elam aataŋaal ni: Matania, ni Sekaria, ni Jehiel, ni Abdi, ni Jeremof, ni Elaija.

²⁷ Satu aataŋaal ni: Eliwenai, ni Eliasib, ni Matania, ni Jeremof, ni Sabad, ni Asisa.

²⁸ Bebai aataŋaal ni: Jehohanann, ni Hanania, ni Sabai, ni Atlai.

²⁹ Bani aataŋaal ni: Mesulam, ni Maluk, ni Adaya, ni Jasub, ni Seal, ni Jeremof.

³⁰ Pahaf Moab aataŋaal ni: Adna, ni Kelal, ni Benaya, ni Maaseya, ni Matania, ni Besalel, ni Binui, ni Manase.

^31-32 Harim aataŋaal ni: Elieser, ni Isija, ni Malkija, ni Semaya, ni Simeonn, ni Benjaminn, ni Maluk, ni Semaria.

³³ Hasum aataŋaal ni: Matenai, ni Matata, ni Sabad, ni Elifelet, ni Jeremai, ni Manase, ni Simei.

^34-37 Bani aataŋaal ni: Maadai, ni Amram, ni Wel, ni Benaya, ni Bedeya, ni Keluhi, ni Fania, ni Meremof, ni Eliasib, ni Matania, ni Matenai, ni Jaasu.

^38-42 Binui aataŋaal ni: Simei, ni Selemia, ni Natann, ni Adaya, ni Maknadebai, ni Sasai, ni Sarai, ni Asarel, ni Selemia, ni Semaria, ni Salum, ni Amaria, ni Josef.

⁴³ Nebo aataŋaal ni: Jeyel, ni Matitia, ni Sabad, ni Sebina, ni Jadai, ni Joel, ni Benaya.

⁴⁴ Bijab bee mɔmɔk nan joo nwɔwɔmbim la. Bi nan yii bi, le ki jenn bi ni baabim lii.