1 Bibɔrb Aabɔr 6 - Uwumbɔr aagbaŋ

Liifai yaab aamaal

¹ Liifai nan ma mbijabim mutaa la. Baayimbil le nan ye Gesonn, ni Kohaf, ni Merari.

² Kohaf mu nan ma mbijabim munaa la. Baayimbil sɔ: Amram, ni Isar, ni Hebronn, ni Usiel.

³ Amram nan ma mbijabim mulee la. Bima le nan ye Aaronn ni Moses. Bininkpan le nan ye Miriam. Aaronn mu nan ma mbijabim binaa la. Baayimbil sɔ: Nadab, ni Abihu, ni Eleasar, ni Itamar.

⁴ Eleasar aayaabitiib ni uyaabisɔsɔk aayimbil sɔ: Fineas, ni Abisua,

⁵ ni Buki, ni Usi,

⁶ ni Serahia, ni Merayof,

⁷ ni Amaria, ni Ahitub,

⁸ ni Sadok, ni Ahimaas,

⁹ ni Asaria, ni Johanann,

¹⁰ ni Asaria, (uma le nan tun lituln ubɔr Solomonn aah nan maa Uwumbɔr Aadichal li Jerusalem ni na ponn ni,)

¹¹ ni Amaria, ni Ahitub,

¹² ni Sadok, ni Salum,

¹³ ni Hilkia, ni Asaria,

¹⁴ ni Seraya, ni Jehosadak.

¹⁵ Ubɔr Nebukadnesar nan chur Jehosadak, ni Juda, ni Jerusalem aanib biken buen tinaagbiir ni. Uwumbɔr le nan cha u ŋa kina.

Liifai aayaabitiib biken aayimbil

¹⁶ Liifai nan ma mbijabim mutaa la. Baayimbil sɔ: Gesonn, ni Kohaf, ni Merari.

¹⁷ Bi mɔmɔk mu nan ma mbijabim. Gesonn le nan ma Libni ni Semei,

¹⁸ le Kohaf nan ma Amram, ni Isar, ni Hebronn, ni Usiel,

¹⁹ Merari mu ma Mali, ni Musi.

²⁰ Gesonn aayaabitiib ni uyaabisɔsɔk aayimbil sɔ: Libni, ni Jahaf, ni Sima,

²¹ ni Joa, ni Ido, ni Sera, ni Jeaterai.

²² Kohaf mu aayaabitiib ni uyaabisɔsɔk aayimbil sɔ: Aminadab, ni Kora, ni Asir,

²³ ni Elkana, ni Ebiasaf, ni Asir,

²⁴ ni Tahaf, ni Uriel, ni Usia, ni Saul.

²⁵ Elkana nan ma mbijabim mulee la. Bima le nan ye Amasai, ni Ahimof.

²⁶ Ahimof aayaabitiib ni uyaabisɔsɔk aayimbil sɔ: Elkana, ni Sofai, ni Nahaf,

²⁷ ni Eliab, ni Jeroham, ni Elkana.

²⁸ Samuel nan ma mbijabim mulee la. Bima le nan ye Joel, u nan ye upol na, ni Abija, u nan ye uwaatiir na.

²⁹ Merari aayaabitiib ni uyaabisɔsɔk aayimbil sɔ: Mali, ni Libni, ni Simei, ni Usa,

³⁰ ni Simea, ni Hagia, ni Asaya.

Uwumbɔr Aadichal ni aalahngaab ni biwangbaab aayimbil

³¹ Baah nan yoor Uwumbɔr Aakaal Aadakaa di buen Jerusalem ponn ni na, bijab bimina le Ubɔr David nan cha bi ye bilahngaab ni biwangbaab nin chee bi dooni Uwumbɔr Jerusalem ni na.

³² Waahr aan Ubɔr Solomonn nin maa Uwumbɔr Aadichal na, bi nan yakr le ki tun lituln Uwumbɔr Aabool ponn ni.

³³ Ŋidichal ŋi nan yeh lituln limina na aayimbil sɔ: Kohaf aataŋaal ponn ni, Hemann le nan ye njan aalahngaab aasaloln. Ute le nan ye Joel. Waadichal ki ti saa Jakob mɔk aanib aayimbil sɔ: Hemann, ni Joel, ni Samuel,

³⁴ ni Elkana, ni Jeroham, ni Eliel, ni Toa,

³⁵ ni Suf, ni Elkana, ni Mahaf, ni Amasai,

³⁶ ni Elkana, ni Joel, ni Asaria, ni Sefania,

³⁷ ni Tahaf, ni Asir, ni Ebiasaf, ni Kora,

³⁸ ni Isar, ni Kohaf, ni Liifai, ni Jakob.

³⁹ Asaf le nan ye lelee aalahngaab aasaloln. Waadichal ki ti saa Liifai mɔk aanib aayimbil sɔ: Asaf, ni Berekia, ni Simea,

⁴⁰ ni Mikael, ni Baaseya, ni Malkija,

⁴¹ ni Efni, ni Sera, ni Adaya,

⁴² ni Etann, ni Sima, ni Simei,

⁴³ ni Jahaf, ni Gesonn, ni Liifai.

⁴⁴ Etann, u nan ye Merari aataŋaal pu aanii na, le nan ye bilahngaab bi paa bileler pu na aasaloln. Waadichal ki ti saa Liifai mɔk aanib aayimbil sɔ: Etann, ni Kisi, ni Abdi, ni Maluk,

⁴⁵ ni Hasabia, ni Amasia, ni Hilkia,

⁴⁶ ni Amsi, ni Bani, ni Semer,

⁴⁷ ni Mali, ni Musi, ni Merari, ni Liifai.

⁴⁸ Biŋeen aatɔtiib Liifai yaab biken le nan tun ŋitun ŋi mɔmɔk gur ki bi, baah dooni Uwumbɔr nin chee na.

Aaronn aayaabitiib aayimbil

⁴⁹ Aaronn, ni ujapɔtiib, ni uyaabitiib le nan seer tulalee aayon, ki toor kitork ki joo seer mmii ni, kitork aabimbiln paab. Bima le nan yeh Chain Chain Aapepel ni aadoon, ki toor kitork ki ga cha Uwumbɔr di cha pinn Israel yaab aatunwanbir na. Bi nan ŋani nimina mɔmɔk, Uwumbɔr aatutunn Moses aah nan mɔk pu na la.

⁵⁰ Aaronn aayaabitiib aayimbil sɔ: Eleasar, ni Fineas, ni Abisua,

⁵¹ ni Buki, ni Usi, ni Serahia,

⁵² ni Merayof, ni Amaria, ni Ahitub,

⁵³ ni Sadok, ni Ahimaas.

Liifai yaab aakookoo yaan

⁵⁴ Aaronn aayaabitiib bi nan ye Kohaf aataŋaal pu aanib na le nan puen gaal kitiŋ, baah di nin chee tii Liifai yaab na.

⁵⁵ Baapepel le nan ye Hebronn, ni bi Juda aatiŋ pu na aapepel, ni tiwakor aamoŋmɔpaan i maln goln nima chee na.

⁵⁶ Le Jefune aajapɔɔn Kaleb nan tee yeh ikpaakon ni ntimbim mu bi nima chee na.

^57-59 Aaronn aayaabitiib le nan yeh ntim mu paa na; Hebronn, kima ponn ni le unii yaa kaa nyi ki peln ku uken kan, u san ti koo na; ni Jatir, ni Libna, ni Estemoa, ni Hilenn, ni Debir, ni Asann, ni Bef Semes aatim, ni mu aamoŋmɔpaan.

⁶⁰ Baatim mu nan bi Benjaminn aapepel ni na mu sɔ: Geba, ni Alemef, ni Anatof, ni mu aamoŋmɔpaan. Baatim mu ponn ni bi ni baadichal nan koo na, nan ti kpaan ntim kipiik ni mutaa la.

⁶¹ Bi nan too inaan le ki yakr ntim kipiik Manase aanibol ligeln li bi liwilir wɔb na aapepel ni, ki tii Kohaf aataŋaal i gur na aadichal.

⁶² Bi nan yakr ntim kipiik ni mutaa le tii Gesonn aataŋaal aadichal, Isakar aanibol, ni Aser aanibol, ni Naftali aanibol, ni Manase aanibol ligeln li bi liwipuul wɔb Basann aatiŋ ni na aapepel ni.

⁶³ Bi nan ki yakr kina le tii Merari aataŋaal aadichal ntim kipiik ni mulee, Rubenn, ni Gad, ni Sebulunn aapepel ni.

⁶⁴ Kina le Israel yaab nan yakr ntim, ni mu aamoŋmɔpaan tii Liifai yaab, ke bi li koo mu ponn ni.

⁶⁵ Bi nan ki too inaan le ki yakr ntim mu bi Juda, ni Simeonn, ni Benjaminn aapepel aan ŋaayimbil ŋmee paacham na mu ki tii Liifai yaab.

⁶⁶ Bi nan tii Kohaf aataŋaal pu aadichal ŋibaa ntim ni mu aamoŋmɔpaan Efraim aapepel ni. Ntim ngbaan aayimbil sɔ:

⁶⁷ Sekem, ki bi Efraim aagongon ni, kima ponn ni le unii yaa kaa nyi ki peln ku uken kan, u san ti koo nima, ni Geser,

⁶⁸ ni Jokmeam, ni Bef Horonn,

⁶⁹ ni Aijalonn, ni Gaf Rimonn.

⁷⁰ Manase aanibol ligeln li bi liwilir wɔb na ponn ni mu, bi nan di Aner, ni Bileam aatim, ni mu aamoŋmɔpaan le tii bi.

⁷¹ Baah nan tii Gesonn aataŋaal aadichal ntim mu ni mu aamoŋmɔpaan na aayimbil sɔ: Golann ki bi Basann ni na, ni Astarof aatim mu bi Manase aanibol ligeln li bi liwipuul wɔb aapepel ni na.

⁷² Bi nan ki tii bi Kedes, ni Daberaf,

⁷³ ni Ramof, ni Anem aatim mu bi Isakar aapepel ni na.

⁷⁴ Baatim mu nan bi Aser aapepel ni na le ye Masal, ni Abdonn,

⁷⁵ ni Hukok, ni Rehob.

⁷⁶ Naftali aapepel mu ni, baatim le nan ye Kedes, ki bi Galilee ni na, ni Hamonn, ni Kiriataim.

⁷⁷ Merari aataŋaal pu aadichal ŋi gur na aatim, ni mu aamoŋmɔpaan le paa na. Sebulunn aapepel ni, baatim le nan ye Rimono ni Tabor:

⁷⁸ Rubenn aapepel li bi Jɔɔdann Aamɔɔl aawipuul wɔb, Jeriko aapuwɔb na ni, baatim le nan ye Beser ki bi kitiŋ ki bi taar na pu na, ni Jasa,

⁷⁹ ni Kedemof, ni Mefaaf.

⁸⁰ Gad aapepel ni, baatim le nan ye Ramof aatiŋ ki bi Gilead ni na, ni Mahanaim,

⁸¹ ni Hesbonn, ni Jaser.