1 Bibɔrb Aabɔr 3 - Uwumbɔr aagbaŋ

Ubɔr David aabim aayimbil

^1-3 David aah nan bi Hebronn ni ki ma mbijabim mu na aayimbil sɔ: Bi paa paa tɔb pu baaninkpir aah ye pu na la; Amnonn, u aana nan ye Jesreel aatiŋ aapii u bi nan yin u ke Ahinoam na, le nan ye upol. Daniel le nan paa, le una ye Abigail, u nyan ni Kamel aatiŋ ni na. Absalom mu le nan paa, le una nan ye Maaka, u aate nan ye Gesur Aabɔr Talmai na; Adonija mu le nan paa Absalom pu, le una nan ye Hagif; Sefatia mu le nan paa, le una nan ye Abital; Itream mu le nan paa, le una nan ye Egla.

⁴ David aah joo Hebronn aatiŋ ŋibin ŋilole ni ligeln ŋi ponn ni na, le u nan ma bi mɔmɔk biloob nima. U nan ye ubɔr Jerusalem ni, ki ti saa ŋibin piitaa ni ŋitaa la,

⁵ le ki nan ma mbijabim nima pam. Upuu Batseba, u aate nan ye Amiel na, nan ma mbijabim munaa la: Simea, ni Sobab, ni Natann, ni Solomonn.

⁶ U nan ki ma mbijabim muwae muken. Bima le nan ye Ibhar, ni Elisua, ni Elpelet,

⁷ ni Noga, ni Nefeg, ni Jafia,

⁸ ni Elisama, ni Eliada, ni Elifelet.

⁹ David nan ki ma mbijabim upuutiib waatiir chee ki kpee mumina mɔmɔk pu. U nan kpa bisal ubaa ki yin u ke Tamar.

Ubɔr Solomonn aayaabitiib aayimbil

¹⁰ Ubɔr Solomonn aayaabitiib ki nya te mɔk ki ti saa japɔɔn mɔk na aayimbil sɔ: Solomonn, ni Rehoboam, ni Abija, ni Asa, ni Jehosafat,

¹¹ ni Jehoram, ni Ahasia, ni Joas,

¹² ni Amasia, ni Usia, ni Jotam,

¹³ ni Ahas, ni Hesekia, ni Manase,

¹⁴ ni Amonn, ni Josia.

¹⁵ Josia nan ma mbijabim munaa la; Johanann, ni Jehoyakim, ni Sedekia, ni Joahas.

¹⁶ Jehoyakim mu nan ma mbijabim mulee la; Jehoyachinn, ni Sedekia.

Ubɔr Jehoyachinn aayaabitiib aayimbil

¹⁷ Jehoyachinn aayaabitiib bi Babiloŋ yaab nan chur bi tinaagbiir na aayimbil sɔ: Jehoyachinn nan ma mbijabim mulole la: Sealtiel,

¹⁸ ni Malkiram, ni Pedaya, ni Senasar, ni Jekamia, ni Hosama, ni Nedabia.

¹⁹ Pedaya nan ma mbijabim mulee la. Bima le nan ye Serubabel ni Simei. Serubabel mu nan ma mbijabim mulee la, Mesulam ni Hanania. U nan ma upiibo ubaa mu, ki yin u ke Selomif.

²⁰ U nan ki ma mbijabim biŋmu biken, Hasuba, ni Ohel, ni Berekia, ni Hasadia, ni Jusab Hesed.

²¹ Hanania nan ma mbijabim mulee la, Pelatia, ni Jesaya. Jesaya le nan ma Refaya, le u mu ma Anann. Anann mu le nan ma Obadia, le u mu ma Sekania.

²² Sekania nan ma ubijabo ubaa la. Bi nan yin u ke Semaya. Uyaabitiib nan ye biŋmu la, Hatus, ni Igal, ni Baria, ni Nearia, ni Safat.

²³ Nearia nan ma mbijabim mutaa la, Eliwenai, ni Hiskia, ni Asrikam.

²⁴ Eliwenai nan ma mbijabim mulole la, Hodafia, ni Eliasib, ni Pelaya, ni Akub, ni Johanann, ni Delaya, ni Anani.