1 Bibɔrb Aabɔr 24 - Uwumbɔr aagbaŋ

Bitotoorb aatuln aah ye pu na

¹ Aaronn nan ma mbijabim munaa la. Baayimbil sɔ: Nadab, ni Abihu, ni Eleasar, ni Itamar.

² Nadab ni Abihu nan puen bite kpo, kaa nan kpa mbim. Binaatiib Eleasar ni Itamar nan ye bitotoorb la.

³ Ubɔr David nan kuun Aaronn aayaabitiib ŋigetek ŋigetek baatun aah ye pu na la. Eleasar aayaabil Sadok, ni Itamar aayaabil Ahimelek le nan ter u lituln ngbaan ni.

⁴ Bi nan yakr Eleasar aayaabitiib ŋigetek kipiik ni ŋiloob la, le ki yakr Itamar aayaabitiib ŋigetek ŋiniin. Eleasar aayaabitiib aayidam aah nan wiir jer Itamar yaab na, le cha baagetek wiir.

⁵ Eleasar ni Itamar aayaabitiib ponn ni aah nan kpa Uwumbɔr Aadichal ni aaninkpiib, ni binikpaam na, bi nan too inaan le ki tii bi mɔmɔk ŋitun.

⁶ Eleasar ni Itamar aayaabitiib nan nyan unii unii le bi too inaan ngbaan. Le Netanel aajapɔɔn Semaya u nan ye Liifai yaab aagbaŋmeer na ŋmee baayimbil. Ubɔr, ni waaninkpiib, ni utotoor Sadok, ni Abiatar aajapɔɔn Ahimelek, ni bitotoorb aadichadam, ni Liifai yaab aadichadam mɔmɔk nan ye biseeraadam la.

^7-18 Ŋidichal moninko ni ŋinaa ngbaan aah nan tun baatun ki paa tɔb pu pu na sɔ: 1. Jehoyarib 2. Jedaya 3. Harim 4. Seorim 5. Malkija 6. Mijaminn 7. Hakos 8. Abija 9. Jesua 10. Sekania 11. Eliasib 12. Jakim 13. Hupa 14. Jesebeab 15. Bilga 16. Imer 17. Hesir 18. Hapises 19. Petahia 20. Jeheskel 21. Jakinn 22. Gamul 23. Delaya 24. Maasia

¹⁹ Bi nan ŋmee bijab bimina aayimbil ki paan tɔb pu biyaaja Aaronn aah nan siin pu ke bi li chaa ti tun lituln Uwumbɔr Aadichal ni, ki dii Israel yaab Aadindaan Uwumbɔr aah mɔk pu na la.

Liifai Yaab aayimbil

²⁰ Liifai aayaabitiib bibaa, bi ye bidichadam na aayimbil sɔ: Amram aayaabisɔsɔk Jedeya u aayaaja nan ye Sebuel na.

²¹ Rehabia aayaabil Isia;

²² Isar aayaabisɔsɔk Jahaf u aayaaja nan ye Selomif na;

²³ Hebronn aajapɔtiib ni baah paa tɔb pu pu na sɔ: Jeria, ni Amaria, ni Jahasiel, ni Jekameam;

²⁴ Usiel aayaabisɔsɔk Samir u aayaaja nan ye Maika na;

²⁵ Usiel aayaabisɔsɔk Sakaria u aayaaja nan ye Maika aanaal Isia na;

²⁶ Merari aayaabitiib, Mali, ni Musi, ni Jaasia.

²⁷ Jaasia nan ma mbijabim mutaa la. Baayimbil sɔ: Soham, ni Sakur, ni Ibri.

^28-29 Mali nan ma mbijabim mulee la. Bima le nan ye Eleasar ni Kis. Eleasar aa nan ma ubijabo. Le Kis ma nan ma Jerameel.

³⁰ Musi nan ma mbijabim mutaa la. Baayimbil sɔ: Mali, ni Eder, ni Jeremof. Liifai yaab aadichadam le na.

³¹ Udichadaan mɔk ni unaatiib ponn ni ubaa le nan too inaan ki gaa baatuln, ke bido yaab bi ye bitotoorb ki ye Aaronn aayaabitiib na aah nan ŋa pu na. Ubɔr David, ni Sadok, ni Ahimelek, ni bitotoorb ni Liifai yaab aadichadam le nan ye biseeraadam.