Zacarias 8 - Kalin Apo Dios

Awnit Ikkan Apo Dios Nan Gawis Isnan Jerusalem 8:1 , 3-12 16-17

¹ Siya dana nan kinwanin nan manakabalin ay apo ken Zecarias,

³ “Awnitak somagong id Jerusalem ay napateg ay ilik et isdi nan menteak dat makwani en Ili ay Nalinteg ya nan bilig isdi et makwani en Bilig Apo Dios.

⁴ Dat kasin makiag-agong nan aamam-a ya iinin-a ay mensoksokod isnan pag-ag-agongan id Jerusalem

⁵ ya adoado kasin nan oongong-a ay men-ay-ayam isnan kalsa.

⁶ Waay kanan nan ipogaw ay daan id Jerusalem id wani en adi kabalin na ngem ken sak-en et maid adi kabalin.

⁷ Tet-ewa ay awnitko isalakan nan ipogawko isnan il-ili ay naipay-anda

⁸ tay ayagak daida isnan solsolin nan batawa ta isagongko daida id Jerusalem ay teanda. Awnit daida nan ipogawko et sak-en nan Diosda ya nalinteg ya gawis nan ikkak ay mang-itolay ken daida.

⁹ Papigsaenyo nan nemnemyo tay nan dengdengngenyo id wani et siya met laeng nan inbagbagan din mamadto enggana ay kasin nasaad nan pegnad di Templok.

¹⁰ Id kasin et maid makalagbo is ipogaw ya animal dadapay omeegyat ay lomokso tay ninbinbinosowek din am-in ay ipogaw.

¹¹ Ngem id wani et teken nan ikkak ay makikakadwa isnan naayday nabay-an isnan il-ili

¹² tay isnan men-eskanda et maid iyeg-egyatda dapay omanay nan odan ta bomgas nan esekda et ado nan maapit isnan dagada. Idyak am-in dana isnan nabay-an ay Israelita.

¹⁶ Siya dana nan masapol ay ikkanyo. Nan tet-ewa nan ibagayo isnan iib-ayo. Isnan pag-okoman et nan nalinteg ay menpagawis nan ipakatyo.

¹⁷ Adi kayo mennemnemnem ay mangpasaksakit isnan iib-ayo ya adi kayo mentististigo is baken tet-ewa tay kaiingek nan menkamkampot, nan baken nalinteg ya nan sape.”