Sofonias 3 - Kalin Apo Dios

Nan Kantan Di Lagsak 3:14-20

¹⁴ Ibiyadyo nan day-engyo isnan men-gasinganyo, dakayo ay Israelita ya menlagsak kayo ay ostoosto dakayo ay iJerusalem

¹⁵ tay insaldeng nan apo ay mangdosa ken dakayo ya inpakaana et am-in nan mang-aamis ken dakayo. Nan apo ay alin di Israelita et wada ken dakayo isonga maid et omegyatanyo.

¹⁶ Naay omdan et nan timpo ay awnit wada nan mangwani isnan iJerusalem en, “Adi kayo omegyat dakayo ay mentetee isnan ili ay Jerusalem ya adi kayo madanagan

¹⁷ tay nan apo ay Diosyo et wada ken dakayo. Nan kabaelana nan gapo ay mangabak kayo. Awnit igasing nan apo dakayo et gapo isnan layadna ken dakayo et awnit agtana dakayo is balo ay biyag. Awnit menday-eng ya men-gasgasing gapo ken dakayo

¹⁸ ay kaneg nan gasing di ipogaw ay makilagsak.” Kanan nan apo en, “Awnitko kewasen nan pang-eg-egyat di tetey dakpay kaanen nan kaibabainanyo.

¹⁹ Om-omdan et nan timpo ay mangdosaak isnan mangpalpaligat ken dakayo. Awnitko isalakan nan pilay dakpay pasaaen nan naipakaan isnan iliyo. Daket pabalinen ay dayaw nan naibabainanyo ta dayawen am-in ay ipogaw dakayo.

²⁰ Om-omdan et nan timpo ay awnitko isaa nan naiwakat ay ipogawko ya menbalinek dakayo ay nadayaw isnan batawa dakpay kasin panam-ayen dakayo.” Siya dana nan kinwanin nan apo.