Salmo 98 - Kalin Apo Dios

¹ Kantaanyo nan apo is balo ay kanta gapo isnan kaskasdaaw ay inikkana. Mangabak siya isnan panakabalina ya isnan kinalintegna.

² Inpagtek nan apo nan nangabakana isnan nin-isalakanana ya inpailana isnan kailiili nan kinalintegna.

³ Mentoltoloy pay nan adi menbalbaliw ay layad ya kinamatalekna isnan Israelita. Ya inilan nan kaipoipogaw isnan batawa nan nangabakan Apo Dios.

⁴ Daydayawenyo nan apo, dakayo am-in isnan batawa. Owen, ibiyadyo nan kantayo ay mangdayaw ken siya.

⁵ Dayawenyo nan apo isnan kotengteng

⁶ dakayopay mentanggoyob. Ibiyadyo nan kantayo isnan men-gasinganyo isnan apo ay Ali.

⁷ Sapay koma ta mensasa nan danom isnan baybay ya nan am-in ay wada isdi. Gomasing gedan nan batawa ya nan am-in ay mentetee ta mendayawda.

⁸ Mendayaw koma gedan nan kaginaginawang ya menday-eng koma nan bilbilig

⁹ isnan. apo tay omali ay mang-okom isnan batawa. Nalinteg ya maid paam-amdena isnan mang-okomana isnan am-in ay ipogaw.