Salmo 70 - Kalin Apo Dios

¹ apo, isalakanmo kad sak-en. Ikamom koma ay omali ta mangbadangka, apo.

² Nan mangkayat ay mangpatey ken sak-en et maibabainda koma ya makolkol nan nemnemda. Daida ay mangkayat ay mangdadael ken sak-en et maseyatanda koma dadapay mabaibainan.

³ Siyangna gedan isnan mangsaysayot ken sak-en ta mabainanda koma isnan maabakanda.

⁴ Ngem am-in ay mangpateg ken sik-a et gomasing ya menlagsak koma ya am-in ay mangpaay isnan mang-isalakanam ken daida et kanayon ay kananda koma en, “Madaydayaw si Apo Dios.”

⁵ Sak-en pay et kodowak ya kaseseg-angak isonga ikamom koma, Apo Dios, ay omali. Sik-a nan mangbadbadang ya mang-isalsalakan ken sak-en. apo, adika koma menpatapatay nodi omalika et.