Salmo 6 - Kalin Apo Dios

¹ apo, adika kad mangsagsagiit isnan ligetmo. Adika kad mangdosdosa gapo is ligetmo.

² Seg-angam sak-en, apo, tay nakapsotak. Pagawisem sak-en tay nabannogak.

³ Dadama ay madadanaganak. Kaatna pay, apo, nan kabayag di maliligatak?

⁴ Baewem, apo, nan ligetmo ta mang-isalakanka tay managseg-angka et mangbadangka ta adiyak matey.

⁵ Tay isnan kad-an di natnatey et maid mang-inemnem ken sik-a ya maid pay mangdayaw ken sik-a.

⁶ Kinmapsotak et gapo isnan sakit di nemnemko ya linabi ay maope nan kamak isnan men-agaagaak ya maslep nan ponganko isnan agak.

⁷ Kinmapsot pay nan matak isnan men-agaagaak gapo isnan maaamisak.

⁸ Taynanyo sak-en, dakayo am-in ay mang-ik-ikkan is ngawi tay dinngen nan apo nan agak.

⁹ Dengngena nan men-ad-adawagak ta someg-ang ya Dengngena et nan menlol-owalowak.

¹⁰ Awnit mabainan nan mang-ap-apos ken sak-en dadapay masngang is egyatda et gapo isnan mabiglaanda et maiwakatda.