Salmo 54 - Kalin Apo Dios

¹ Apo Dios, isalakanmo kad sak-en isnan panakabalinmo. Mangsalaknibka isnan kabaelam.

² Dengngem kad nan lowalok, Apo Dios. Inaagmo nan kanak.

³ Tay manggobat nan ipogaw isnan tap-in di ili. Daida ay makedse et kaytenda ay mangpatey. Owen, daida ay adi mang-ikaskaso ken Apo Dios.

⁴ Ngem sik-a, Apo Dios, nan osto ay kabadangko. Sik-a, apo, nan mangpapapigsa ken sak-en.

⁵ Sapay koma ta ipasagongmo isnan mang-ap-apos ken sak-en nan kinangawida. Isnan kinalintegmo et dosaem daida.

⁶ apo, men-gasingak ay men-idaton ken sik-a dakpay daydayawen sik-a tay gawigawiska.

⁷ Tay nang-isalakanka isnan am-in ay ligatko ya inilak nan naabakan nan mangbosboso ken sak-en.