Salmo 3 - Kalin Apo Dios

¹ apo, adoado nan mangbosboso ken sak-en. Adoda ay mangliliget ken sak-en.

² Kankananda pay en, “Adi et badangan Apo Dios siya.”

³ Ngem sik-a, apo, nan kalasagko isnan kaeegyat tay pangabakem sak-en ya papigsaem nan nemnemko.

⁴ Men-adawagak ta mangbadangka, apo, dakat songbatan sak-en isnan napateg ay biligmo.

⁵ Makaseyepak ay maid iyeegyatko tay sinlabiyan ay mangbabantay nan apo.

⁶ Ya adiyak omegyat olay no linibo nan mangsaneb ken sak-en isnan naliliwes.

⁷ apo ay Diosko, omalika ta isalakanmo sak-en. Dosaem nan mang-aamis ta mammid nan kabaelanda ay mangpasaksakit ken sak-en.

⁸ Sik-a, apo, nan magapowan di kaisalakanan. Sapay koma ta bindisyonam nan ipogawmo.