Salmo 25 - Kalin Apo Dios

¹ apo, sik-a nan menlowalowak.

² Sik-a nan talkek, 0 Diosko. Adim kad ipalobos ay maibabainak isnan mangabakan di mang-ap-apos ken sak-en dadapay am-ammengan sak-en.

³ Nan mentalek ken sik-a et adida mabab-ainan ngem mabainan nan mang-ap-apos ken sik-a is maid gapona.

⁴ apo, ipailam nan osto ay daan ay masolot. Itdom ken sak-en nan laydem ay maikkan.

⁵ Owen, itdowam sak-en isnan kinatet-ewam tay sik-a, Apo Dios, nan mang-isalsalakan ken sak-en ya maid teken is namnamak nodi sik-a et kedeng.

⁶ Adim kalkalingkingan, Ago, nan kinamanagseg-angmo ya nan adi menbalbaliw ay layadmo ay wada enggana id kasikasin.

⁷ Ngem kalingkingam koma nan basbasolko ya nan sokilko isdin mensiksiknak dakat nemnemen sak-en isnan adi menbalbaliw ay layadmo tay gawiska, apo.

⁸ Gapo tay nalinteg ya gawis nan apo et itdona isnan managbasol nan ostoosto ay masolot.

⁹ Ipangona nan nababa isnan osto dadapay isolo ken daida nan kayatna ay maikkan.

¹⁰ Nan apo et matalek ya maid patenggan nan layadna isnan am-in ay mangtongpal isnan tolag ya lintegna.

¹¹ apo, gapo isnan kinagawismo et pakawanem kad nan basbasolko tay adoado.

¹² Sino ngen nan mang-iyegyat isnan Apo? Nan apo nan mangiwaned ken daida isnan daanenda.

¹³ Masikada ay kanayon daet tawiden nan an-akda nan daga.

¹⁴ Nan mangtongpal isnan apo et daida nan gagayyemna. Awnitna ipakneg nan nakitolagana ken daida.

¹⁵ apo, sik-a ay kanayon nan mendawatak tay sik-a et kedeng nan makakaan isnan ligatko.

¹⁶ Mang-ilaka pod, apo, ta mangseg-angka tay kedkedengak dakpay napaligatan.

¹⁷ Omam-am-amed nan madadanagak. Wayaam kad sak-en isnan maliligatak.

¹⁸ Ilam pod nan ligatko ya nan sakit di nemnemko ta pakawanem am-in nan basolko.

¹⁹ Ilaem gedan nan inmad-adowan di mang-ap-apos ya nan pilmi ay mangliligtanda ken sak-en.

²⁰ Mangsalaknibka ya mang-isalakanka. Adim koma ipalobos ay maibabainak tay sik-a nan menkamkamangak.

²¹ Nan kinamatalek ya kinalinteg nan mangsalaknib koma ken sak-en tay sik-a nan namnamak.

²² Apo Dios, sobtem nan ipogawmo ay Israelita isnan maliligatanda.