Salmo 24 - Kalin Apo Dios

¹ Nan batawa ya nan am-in ay wada isna et kowan nan apo. Owen, nan daga ya nan am-in ay mentetee is dana et kowana gedan.

² Inpaeyna nan danom isnan omno ay teana ta maila nan lota. Owen, inpangatngatona nan lota mo nan baybay.

³ Ay sino nan wada nan kalebbengana ay tomikid isnan bilig nan Apo? Ya sino nan mabalin ay songgep isnan napateg ay templona?

⁴ Siya ay gawis nan ik-ikkana ya nemnemna ya adi mangdaydayaw isnan sinangdidios ya tet-ewa nan kankanana.

⁵ Mabindisyonan siya isnan apo ay mangisalsalakan ken siya ya kanan Apo Dios en nalinteg siya.

⁶ Nan ipogaw ay kaneg tona nan makaey isnan Dios ay mangdayaw ken siya ay Dios gedan din si Jacob.

⁷ Iwawayo nan nadadaan ay lowangan di ili ta pasgepenyo nan kadayawan ay Ali.

⁸ Sino ngen pay sa ay kadayawan ay Ali? Siya nan apo ay manakabalin ya napigsa, apo ay adi kaabak.

⁹ Iwawayo nan nadadaan ay lowangan di ili ta pasgepenyo nan kadayawan ay Ali.

¹⁰ Sino ngen pay sa ay kadayawan ay Ali? Nan manakabalin ay apo et siya nan Ali ay kadayawan.