Salmo 15 - Kalin Apo Dios

¹ apo, sino nan makasgep isnan pagdaydayawan ken sik-a ya sino nan makatee isnan napateg ay biligmo?

² Nan makasgep et nan maid kadelawana ya nalinteg nan am-in ay ik-ikkana. Nan tet-ewa et kedeng nan kankanana

³ adina solsolbogan nan ib-ana. Adina soksokilen nan ib-ana ya adina taytayoktoken nan sagogongna.

⁴ Iyawena nan mang-ik-ikkan is ngawi danapay dayawen nan mangtongtongpal isnan apo. Tongtongpalena nan ikalina ay olay no mensigab.

⁵ Menpaotang isnan kodo ay olay no maid galansiyana ya adi mapasoksokan ay mensaksi isnan maid basolna. Nan ipogaw ay mang-ikkan is dana et maid ngawi is om-ommat ken siya.