Salmo 149 - Kalin Apo Dios

¹ Madaydayaw nan apo. Menkanta kayo is balo ay kanta isnan apo ya dayawenyo siya isnan madadagopan di matalek ay ipogawna.

² Dakayo ay Israelita, men-gasing kayo isnan nangboliw ken dakayo. Owen, gomasing kayo ay iSion gapo isnan kangatowan ay aliyo.

³ Isalayo nan pangdayawyo isnan apo. Mentambol ya menkotengteng kayo ay mangdayaw ken siya

⁴ tay kagagasing nan apo nan ipogawna danapay pangabaken nan nababa.

⁵ Gomasing koma nan ipogaw Apo Dios isnan mangabakanda dadat men-gasgasing ay menkankanta isnan linabi.

⁶ Ibiyadda koma nan pangdayawda ken Apo Dios dadapay gen-an nan mentadem ay ispadada

⁷ ay omey mang-abak isnan kailiili. Dosaenda nan mangbosboso ken daida

⁸ dadapay kawalan nan aali ya nan menlelebbeng ay amam-a isnan mangbosboso ken daida.

⁹ Dosaenda nan kailiili tay siya nan inbilin Apo Dios. Siya na nan nangabakan nan matalek ay ipogawna. Madaydayaw nan apo.