Salmo 142 - Kalin Apo Dios

¹ Ibiyadko ay mendawat isnan apo ay menpabadang ya siya nan menseg-angak.

² Ibagak ken siya nan am-in ay sakit di nemnemko. Owen, ibagak am-in ken siya nan danagko.

³ No maid et namnamak et getkena nan masapol ay ikkak. Isnan daan ay dad-aanek et nin-isagana is silo nan Inang-ap-apos ken sak-en.

⁴ Menmolimoliyak pay dapay maid bomadang ya maid menkamangak. Owen, maid mang-ikaskaso ken sak-en.

⁵ apo, mendawatak ken sik-a is badang tay sik-a nan kamangko. Sik-a et kedeng nan magapgapowan nan am-in ay masapolko engganay matatagowak.

⁶ Dengngem kad nan dawatko ay menpabadang tay maid et namnamak. Mang-isalakanka isnan mang-ap-apos ken sak-en tay napigsada mo sak-en.

⁷ Wayaam sak-en isnan maliligatak daket dayawen sik-a. Awnit manggayyem nan nalinteg no magtekanda nan kinagawismo ken sak-en.