Salmo 136 - Kalin Apo Dios

¹ Men-iyaman tako isnan apo tay gawis siya ya nan adi menbalbaliw ay layadna et maid patenggana.

² Men-iyaman tako isnan kapapatgan ay Dios tay nan adi menbalbaliw ay layadna et maid patenggana.

³ Men-iyaman tako isnan apo ay mentotolay isnan am-in tay nan adi menbalbaliw ay layadna et maid patenggana.

⁴ Kedkedeng siya is makaikkan is kaskasdaaw ya nan adi menbalbaliw ay layadna et maid patenggana.

⁵ Binoliwna nan daya isnan silibna ya nan adi menbalbaliw ay layadna et maid patenggana.

⁶ Inpaknegna nan dagdaga isnan ngaton di danom ya nan adi menbalbaliw ay layadna et maid patenggana.

⁷ Binoliwna nan agew ya nan bowan tay nan adi menbalbaliw ay layadna et maid patenggana.

⁸ Binoliwna nan agew pala isnan kag-aw tay nan adi menbalbaliw ay layadna et maid patenggana.

⁹ Binoliwna gedan nan bowan ya nan taltalaw pala isnan labi tay nan adi menbalbaliw ay layadna et maid patenggana.

¹⁰ Pinateyna nan iyon-a ay an-ak di iyEgipto ngem nan adi menbalbaliw ay layadna et maid patenggana.

¹¹ Inkaana nan Israelita id Egipto tay nan adi menbalbaliw ay layadna et maid patenggana.

¹² Inkaana daida isnan dadama ay panakabalina tay nan adi menbalbaliw ay layadna et maid patenggana.

¹³ Ninsiyanena nan Gadangdang ay baybay tay nan adi menbalbaliw ay layadna et maid patenggana.

¹⁴ Danat ipadaan nan ipogawna isnan gawana tay nan adi menbalbaliw ay layadna et maid patenggana.

¹⁵ Ngem inlin-ebna nan alin di iyEgipto ya nan sosoldadona isnan Gadangdang ay baybay tay nan adi menbalbaliw ay layadna et maid patenggana.

¹⁶ Inpangpangona nan ipogawna isnan ninbab-aatanda isnan pondag tay nan adi menbalbaliw ay layadna et maid patenggana.

¹⁷ Pinateyna nan ninkapipigsa ay aali ngem nan adi menbalbaliw ay layadna et maid patenggana.

¹⁸ Owen, pinateyna nan ninkapipigsa ay aali ngem nan adi menbalbaliw ay layadna et maid patenggana.

¹⁹ Daida da Sihon ay alin di Amorreo ngem nan adi menbalbaliw ay layadna et maid patenggana.

²⁰ Ya si Og ay alin di Basan ngem nan adi menbalbaliw ay layadna et maid patenggana.

²¹ Danat ipatawid nan dagan nan naayday aali isnan ipogawna tay nan adi menbalbaliw ay layadna et maid patenggana.

²² Owen, inpatawidna ken daida ay Israelita ay ipogawna tay nan adi menbalbaliw ay layadna et maid patenggana.

²³ Egayna polos kinalingkingan datako isdin naabakan tako tay nan adi menbalbaliw ay layadna et maid patenggana.

²⁴ Insalakana datako isnan mangbosboso ken datako tay nan adi menbalbaliw ay layadna et maid patenggana.

²⁵ Agtana is makan nan am-in ay matatago tay nan adi menbalbaliw ay layadna et maid patenggana.

²⁶ Men-iyaman tako et ken Apo Dios id daya tay nan adi menbalbaliw ay layadna et maid patenggana.