Salmo 130 - Kalin Apo Dios

¹ apo, isnan dadama ay menseseg-angak et mendawatak ken sik-a.

² Dengngem kad sak-en, apo. Owen, dengngem nan dawatko ay menpabadang.

³ No ilislistam apo nan basbasolmi, ay sinoda pay obpay nan makalisi isnan mendosaam?

⁴ Ngem sik-a et managpakawanka tasiyay di ipateg nan kaipoipogaw sik-a.

⁵ Sesed-ek isnan am-in ay kabaelak nan mangseg-angan nan apo et nan inkalina nan kad-an di namnamak.

⁶ Owen, am-amed nan mangseseedak isnan apo mo nan mangseseedan di menbanbantay isnan toman-owana.

⁷ Dakayo ay Israelita, talkenyo nan apo tay nan adi menbalbaliw ay layadna et maid patenggana ya sisasagana ay men-isalakan.

⁸ Et awnitna sobten nan Israelita ay ipogawna isnan basbasolda.