Salmo 13 - Kalin Apo Dios

¹ apo, aye pay nan kabayag di nangkalingkingam ken sak-en. Kaatna pay di mang-itabtabonam ken sak-en?

² Kaatna pay di makokolkolan nan nemnemko ya nan inagew ay menseseg-angak? Kaat pay nan kabayag di mangab-abakan nan mangaamis?

³ apo ay Diosko, moliyem sak-en ta dengngem nan dawatko. Papigsaem sak-en ta adiyak et matey

⁴ daet esa kankanan nan mang-ap-apos en, “Inabakmi siya,” dadat men-gasgasing tay naabakak.

⁵ Ngem talkek nan adi menbalbaliw ay layadmo ya men-gasgasingak tay mang-isalsalakanka.

⁶ apo, iday-engko nan pangdayawko ken sik-a gapo isnan gawis ay ik-ikkam ken sak-en.