Salmo 129 - Kalin Apo Dios

¹ Kanan koma nan Israelita en, “Dadama nan mangpalpaligatan nan mang-ap-apos ken dakami enggana isdin kaong-ongami.

² Owen, dadama nan nangpalpaligatanda ken dakami enggana isdin kaong-ongami ngem egayda nakaabak ken dakami.

³ Egay polos seg-angan nan mang-ap-apos dakami isnan nangsogatanda ya nangpalpaligatanda ken dakami tay pinaligatda dakami ay kaneg kami payew is maal-alado.”

⁴ Ngem nalinteg nan apo isonga winayaana dakami isnan kabaelan di makedse.

⁵ Am-in koma ay mangliliget id Sion et mabainanda dadat maabak.

⁶ Maid silbida koma ay kaneg nan esek ay tomobtobo isnan lota isnan atep di baey ay esapay tomobo ay osto et epdas naango

⁷ isonga maid mang-ala wenno mang-apit tay naango.

⁸ Igiginek pay nan ipogaw ay manglaos ken daida. Adida pay bindisyonan daida isnan ngadan nan apo ya adi bindisyonan di ipogaw daida.