Salmo 128 - Kalin Apo Dios

¹ Nagasat nan mang-ipateg isnan apo ay mangtongpal isnan bilbilina.

² Apitena et nan bongan di ninbannogana et nalagsak ya nanam-ay siya.

³ Kaneg isnan mabgas ay esek nan asawana tay naganak et mamapnek isnan panagbiyagna ya nan aan-akna et daida nan salaknibna ya mangbadbadang ken siya.

⁴ Tet-ewa ay kaneg todi nan mabindisyonan di ipogaw ay mangtongtongpal isnan apo.

⁵ Bindisyonan koma nan apo id Sion sik-a ya ilaem koma nan mennam-ayan nan Jerusalem isnan matatagowam.

⁶ Matagotagoka koma ta ilaem nan aap-om is kasin. Maoolnos koma nan Israelita.