Salmo 126 - Kalin Apo Dios

¹ Kaneg baken kapapati ay insagong nan apo dakami id Jerusalem

² isonga gapo isnan gasingmi et naaanammeng ya ninkankanta kami. Daet kanan nan kailiili en, “Kaskasdaaw nan inik-ikkan nan apo ken daida.”

³ Owen, tet-ewa ay kaskasdaaw nan inik-ikkan nan apo ken dakami isonga dadama nan gasingmi.

⁴ apo, isagongmo kad dakami isnan sigod ay kababalinmi ay kaneg nan mangdanoman di odan isnan naango ay ginawang.

⁵ Olay no dadama nan ligatmi id kasin ngem awnit men-gasgasing kami met laeng ay kaneg isnan nin-ag-aga ay ninbonbonobon dadat gomasing isnan men-apitanda.

⁶ Owen, daida ay madadanagan ay nin-ag-aga ay ninbonbonobon et awnitda somagong ay menkankanta is gasingda ay mang-isaa isnan inapitda.