Salmo 124 - Kalin Apo Dios

¹ Kanan koma nan Israelita en ngan ngata nan inommat no egay badangan nan apo datako?

² Owen, no egay nangbadang nan apo isdin nanggobatan di boso tako ken datako

³ et waay nin-abakda datako isnan palalo ay ligetda ken datako.

⁴ Maabak tako et kaneg men-iyanod di layos datako et malin-eb tako.

⁵ Owen, kaneg men-iyanod di napigsa ay danom datako.

⁶ Ngem madaydayaw nan apo ay egay nang-ipalobos ay abaken nan mang-ap-apos datako.

⁷ Nawayaan tako ay kaneg nan koyat isnan silon di men-anop. Owen, nasokpot nan silo et nawayaan tako.

⁸ Nan badang ken datako et nagapo isnan apo ay nangboliw isnan daya ya nan batawa.