Salmo 122 - Kalin Apo Dios

¹ Men-gasingak isdin nangwaniyan di kaipoipogaw ken sak-en en, “Omey tako isnan baey nan apo.”

² Et id wani et wada tako isna ay tomatakdeg isnan ili ay Jerusalem.

³ Nan Jerusalem et ili ay nas-enas-et ya mensisinag-en nan bab-aey isdi.

⁴ Siya na nan omayan nan Israelita ay ipogaw nan apo ay men-iyaman ken siya tay siya nan bilina.

⁵ Isna nan kad-an nan mangbanag isnan Israelita ay nan menbanagan da ali David ya nan polina.

⁶ Dawaten tako ay wada koma nan talna id Jerusalem. Idawat tako en, “Nan manglaylayad ken sik-a et maoolnosda koma.

⁷ Natalna koma nan ill ya maid koma om-ommat isnan ipogaw isdi.”

⁸ Gapo isnan kakabagyak ya kakailyak ay wada id Jerusalem et menlowalowak en, “Natalna koma nan naay ili.

⁹ Ya gapo gedan isnan baey nan apo ay Dios tako id Jerusalem et ilowalok nan paggawisan nan wada isdi.”