Salmo 121 - Kalin Apo Dios

¹ Iilaek nan bilbilig ay mangliliwes isnan Jerusalem. Into ngata nan menpabadangak?

² Nan mangbadang ken sak-en et nan apo ay nangboliw isnan daya ya nan batawa.

³ Adina polos ipalobos ay maisogto kayo tay adi kaseyseyep nan mang-ay-ayowan ken dakayo.

⁴ Owen, nan mang-ay-ayowan isnan Israelita et adi polos mentom-e wenno maseyseyep.

⁵ Banbantayan nan apo dakayo. Owen, siya nan mangsalaknib ken dakayo

⁶ isonga adi pasakiten nan agew dakayo isnan kag-aw wenno nan tedek isnan labi.

⁷ Bantayan nan apo dakayo isnan am-in ay kaeegyat. Owen, ayowanana dakayo ta maid om-ommat ken dakayo.

⁸ Salakniban gedan nan apo dakayo olay into nan omay-ayanyo id wani et eng-enggana.