Salmo 120 - Kalin Apo Dios

¹ Isnan madanagak et mendawatak isnan apo et dengngena sak-en.

² apo, isalakanmo kad sak-en isnan kampotan ya manag-allilaw.

³ Dakayo ay kampotan, ngan nan awnit ikkan Apo Dios ken dakayo?

⁴ Dosaena dakayo is mentadem ay panan di makigobat ya is menbegbegang ay oling.

⁵ Aye, kaseseg-angak ay kanegak mentetee id Mesek wenno id Kedar ay il-ilin di boso.

⁶ Nabayag ay nakiteteak isnan ipogaw ay mang-adi is olnos.

⁷ Sak-en et laylaydek nan olnos ngem no ibagak nan maipanggep isnan olnos et makisongbatda tay adyanda.