Salmo 12 - Kalin Apo Dios

¹ Badangam kad dakami, apo, tay maid et nan makadios ay ipogaw. Maid et matalek is ipogaw.

² Am-inda et menkinampotda isnan wasdin esa ya makaallilaw nan kalida.

³ apo, kaanem nan dilan nan menkamkampot dakapay likpan nan topek di men-et-etek

⁴ ay mangmangwani en, “Gapo isnan laingmi ay komali et magon-odmi nan laydenmi. Maid makapasaldeng ken dakami tay maid apowenmi.”

⁵ Dat kanan nan apo en, “Gapo isnan menseseg-angan di kodokdo ya nan men-ad-adawagan di mapalpaligatan et omaliyak et id wani ta isalakanko daida ay mangseseed ken sak-en.”

⁶ Matalek nan kankanan nan apo tay kanegna nan natatanig ay balitok ay nasagasagat isnan apoy.

⁷ apo, bantayam koma dakami ya ibaliwam dakami ay eng-enggana isnan makedse

⁸ tay liniwes di makekedse dakami ya nan ngawi nan kaykayten nan ipogaw.