Salmo 113 - Kalin Apo Dios

¹ Madaydayaw nan apo. Dakayo ay baan nan apo et daydayawenyo siya.

² Owen, madaydayaw nan apo, id wani et eng-enggana.

³ Madaydayaw nan apo ay menlogi isnan balaan di agew et enggana isnan lomnekana.

⁴ Kangatowan nan apo isnan kailiili ya nan dayawna et nangatngato mo nan daya.

⁵ Maid is-ison nan apo ay Dios tako ay mentetee id ngato.

⁶ Oosdongana nan daya ya nan batawa.

⁷ Ipangatona nan kodo isnan naipababaanda danapay wayaan daida isnan dadama ay kinakododa.

⁸ Owen, ipangatona daida tapno wada nan saadda isnan kad-an di papangolo.

⁹ Kaanena nan maibabainan di adi makaanak ay babai isnan mangpagasingana ken siya ay makaanak. Madaydayaw nan apo.