Salmo 110 - Kalin Apo Dios

Nan naay ay Salmo ay insolat David et maipanggep isnan awnit ipaalin Apo Dios ay mentolay ay makwani en Mesias.

¹ Kinwanin nan apo isnan Apowek ay ali en, “Itokdom isnan makanawanko enggana ay ipagatinko ken sik-a nan mang-ap-apos ken sik-a.

² Nagapo id Sion nan kabaelam ay mentolay ay awnit idyan nan apo ken sik-a. Itolayam nan mang-ap-apos ken sik-a.

³ Nakasagana nan ipogawmo ay maitapi ken sik-a isnan timpon di kabaelam ya mabegebegew nan badoda. Gawigawis ya menlamnin nan omaliyam ay mentolay ay kaneg nan monglo isnan wakgawakgat.”

⁴ Insapatan nan apo ya adina ibabawi nan kinwanina ay, “Padika ay eng-enggana ay maitapi isnan bonggoy di kangatowan ay papadi ay kaneg din si Melkisedec id kasikasin.”

⁵ Nan apo et wada isnan makanawanmo. Awnitna abaken nan aali isnan timpo ay makaligetana.

⁶ Awnitna okomen nan kailiili et adoadoda ay matey danapay abaken nan aali isnan batawa.

⁷ Isnan ominoman nan Ali is danom isnan benget di daan et palamninena siya isonga itoltoloyna enggana ay maabak nan mangbosboso ken siya.