Proverbio 3 - Kalin Apo Dios

Pamagbaga Maipanggep Isnan Layad Ya Talek 3:1-7

¹ Anakko, adim kalkalingkingan nan isolok ken sik-a nodi nenenenemnemem nan ibagbagak ken sik-a.

² Tay no idngem nan isolsolok et awnit an-ando ya gawis nan biyagmo.

³ Adim kak-aanen nan layad ya talek isnan ogalim nodi kanegmo iyoway isnan bagangmo ya ippeymo isnan nemnemmo.

⁴ No ikkam dana et awnit magasgasingan si Apo Dios ya nan iib-am ken sik-a.

⁵ Talkem nan apo isnan am-in ay nemnemmo ta baken nan ipagalopmo is taltalkem.

⁶ Nenemnemem nan apo isnan am-in ay ik-ikkam et awnit iwanedna sik-a isnan osto.

⁷ Adim kankanan en masilibka nodi iyegyatmo nan apo ta adika men-ik-ikkan is ngawi.