Nomero 21 - Kalin Apo Dios

Nan Sinang-oweg Ay Nasapo Isnan Gading 21:4-9

⁴ Nakwas pay di dat komaan nan Israelita isnan bilig ay Hor et idaanda isnan sag-en di baybay ay makwani en Gadangdang tapno iliwesda isnan ilin nan Edom. Ngem isnan daan et naamin et nan anos nan deeyday ipogaw.

⁵ Dadat kasin menkali is ngawi ken Apo Dios ya is ken Moses. Ninlilida ay mangwani en, “Waay inpakaanyo dakami id Egipto tapno matey kami isnan naay pondag ay maid makan ya maid danom. Naoma kami et isnan naayda ay aped mana ay kankanen tako.”

⁶ Dat men-ipaey nan apo nan menkedet ay kaoweoweg et ado ay Israelita nan naketban et mateyda.

⁷ Dat omey nan deeyda ay ipogaw ken Moses et kananda en, “Nakabasol kami isnan ninkaliyanmi is ngawi isnan apo ya is ken sik-a. Idawatmo koma isnan apo ta ipakaana nan naayda ay kaoweoweg.” Daet ilowalowan Moses san deeyda ay ipogaw.

⁸ Dat ibagan nan apo ken Moses ta somapo is sinang-oweg ay gading danat ippey isnan sokod tapno no waday maketban danat basta ilaen san deey ay sinang-oweg et maagasan.

⁹ Daet tet-ewa somapo si Moses is sinang-oweg ay gading et ippeyna isnan sokod. Et no waday naketban danat ilaen san sinang-oweg ay gading et gomawis.