Mikias 5 - Kalin Apo Dios

² Kanan nan apo en, “Nan ili ay Betlehem ay Efrata et siya nan esa ay kaban-egan ay ili isnan Juda ngem awnit isdi nan magapowan nan mentolay isnan Israelita ay nan napowana et ipogaw id kasikasin.”

³ Et awnit baybay-an nan apo nan ipogawna enggana ay iyanak nan babai nan anakna ay lalaki. Makwas di daet somagong nan ipogawna ay naipakaan ay kaneg balod ta kasinda maipos-a isnan kailyanda ay Israelita.

⁴ San awnit omali ay mentolay et maitapi isnan men-itolayana nan kabaelan ya panakabalin ay nagapo isnan apo ay Dios. Isonga maolnos nan biyag di ipogawna ta ipagtek nan am-in ay ipogaw isnan batawa nan kinangatona.