Josue 5 - Kalin Apo Dios

⁹ Dat kanan nan apo ken Josue en, “Id wani ay agew et kinaanko et ken dakayo nan maibabainanyo ay mabab-aa id Egipto.” Isonga nangadnan san deey ay logal is Gilgal ay siya nan ngadana enggana id wani.

¹⁰ Dat issan sedem di maikasimpoo et epat ay agew di bowan ay inmap-apaan nan Israelita id Gilgal isnan sag-en di Jerico et ninlagsakda ay mangnemnem isnan Fiestan di Linmaosan di Anghel.

¹¹ San kawakgatana et siya nan damo ay nangkakananda is naapit ay begas di mola id Canaan ay nan sabog ya nan inotoda ay tinapay ay egay kabobodan.

¹² Dat somaldeng et nan maek-ekdag ay mana et egay et kasin tinamtamtaman di Israelita. Dat enggana issan timpo ay deey et nan maap-apit id Canaan nan kinkinanda.